MEÄN POLITIIKKA LUULAJAN KUNNASSA

 Vänsterpartiet oon matkassa johtamassa Luulajan kunnassa.
Sen met halvaama mielelhääns tehhä syksynki vaalin jälkhiin.

Met halvaama ette Luulaja pittää olla turvalinen, kestävä
ja tasavertanen kunta jossako kaikila oon maholisuus asua
hyvin, voija hyvin ja kehittyä.

Met halvaama kerta kaikkia kunnan joka oon sinun puolta.

Nämä ovat ehdokkaamme vaaleissa (ruotsiksi)
Luulajan kunnalle
Norrbottenin alueelle

ASUNOT JA YHTHEISKUNTAPALVELU

• Useampia asuntoja Lulebon omistuksheen eikä yhthään useampaa lääkenheetin myyntiä.
• Hyviä asuntoja kaikile, tukea rakentamis- ja asuntoyhtheykshiin ja muun sorttishiin kolektiiviasumishiin.
• Hyyryoikeuksia kaikissa kaupunkiosissa ja isomissa kylissä.
• Palvelupistheitä maaseuvule.
• Kolektiivisopimussorttisia ehtoja ostoissa.

VIHRIÄINEN JA KESTÄVÄ LUULAJA

• Panna klimattistratekiin toimimhaan.
• Useampia kävely- ja pyöräteitä ja parempi kunnossapito.
• Taajempia pyssivuoroja ja useampia pyssifiiliä.
• Ilhmaista kolektiivitrafikkia lapsile ja nuorile lupa-aikoina ja jatkossa koko vuen aikana.
• Enämpi ekolookista ja paikalista ruokaa kunnan ostoissa.
• Kiertomarkkinapaikka rakenustavaroitten kierätykselle.

TASAVERTASUUS, MONINAISUUS JA TEMOKRATII

• Kansalaistialookia häätyy pittää ja ottaa talteen asukhaitten ehotuksia.
• Aukeita ja sisälyttäviä kohtauspaikkoja asylihakioile ja vastatulioile.
• Vahvistaa tukea minuriteetile ja minuriteettikielile.
• Tehhä töitä sosiaalin kestävyyen ja ihmisoikeuksitten eestä.
• Lapsikonvensuunia pittää aina ottaa huomihoon ja lapsikonsekvensianalyysiä pittää tehhä isoissa päätöksissä.

 TASAVERTANEN ESIKOULU JA KOULU

• Lissää reyrsiä esikohluun.
• Useampia täysiä kouhluun.
• Vahvistaa Oppilasterhveyttä (Elevhälsan) ette oppilhaat saavat oikean tuen aijalansa.
• Ilhmaista fruukostia kaikile oppilhaile.
• Lissää resyrsiä kouhluin aluheila joissako oon heiko sosioekonomii.

 TYÖMARKKINA JA KOULUTUS

• Useamat nuoret pitävät saattaa lukea jymnaasiakoulutusta raahvaitten koulutuksen kautta.
• Useampia ammattikoulutuksia työpaikhoin missä oon puute henkilökunnasta.
• Lisätä työhommia henkilöile jolilako oon toimintavariasuunia.
• Useampia SFI-paikkoja ette lukea ruottinkieltä ja jatkaa töihiin elikkä koulutukshiin.
• Ajokorttikoulutus hoitokoulutuksitten oppilhaile.

TURVALINEN TYÖNANTAJA

• Lyhemän työaijan hoithoon ja huolthoon.
• Lepoaikaa työnaikana henkilökunnale sosiaalihallinossa.
• Kielitukea työntekiöile joka tarttee sitä.
• Vahvistaa suojaa henkilökunnale joka oon töissä uhkaavissa tilantheissa
• Kompetensikehittää enämpi fleksiipeliä työelämää varten.

TURVALINEN SOSIAALIPALVELU, HOITO JA HUOLTO

• Useampia hoito- ja huoltoasumisia tulevia tarpheita vasten.
• Vahvistaa työtä ulosviskomisia vasten ja ehkästä ette ihmiset menettävät heän asunon.
• Parempaa kotipalvelua – päämäärä oon ette päästä kotipalveluinteksin 50 huiphuun.
•  Tukea vaimo – ja tyärsjuurile.
• Useampia ryhmäasuntoja kunthaan
• Hakutoimintaa ja yhtheistyötä lapsitten ja nuoritten kouluitten kansa.

KULTTUURI JA VAPA-AIKA KAIKILE

• Enämpi tukea föreninkielämälle ja opintoliitoile.
• Vaphaan ja elävän kulttuurielämän joissako oon tillaa eri ilmasuile.
• Harjottelupaikkoja ja seeniä kaupunkiosissa ja maaseuvula.
• Lapsitten ja nuoritten toivomukset pittää ottaa taltheen.
• Mupilia vapa-aikataloa maaseuvula pittää jatkaa kehittämhään.

Halvaaks tietää lissää?
Tervetuloa ottamhaan yhtheyttä meän puhheenjohtajan kansa, Carina Diaz.

Telefooninumero 070-341 23 75, E-posti: [email protected]
Carina puhhuu meänkieltä.